比blogger燒得多真係好難收手,
今次又敗左部機返黎啦!
話說買依部機都好多波折架!
首先, 依部機係要於萬寧購買兩件醫學美容品牌先可以加錢換,
於是我企在counter前面望左好耐究竟買咩好,
起飛我以為只可以買Cellbone,
於是睇左好耐諗住比錢啦,
點知有兩個ba姐姐走埋黎同我傾計,
話我知唔一定要買依個牌子,
買d平d嘅都可以,
哇! 咁好??? 咁緊係比越少錢可以拎走部機就最好啦,
因為我係為左部機先黎買野架!
於是我開始向低價錢的東西望,
不過由於我係蛇王出去,
所以唯有同ba講我lunch會再返黎,
記住留返部機比我,
於是我lunch再去, 最後我就揀左一支vichy lip blam $55,
同cellbone 洗面泡 $180, 諗住再加$349換機,
點知, 遊緊雲的我竟然唔記我有萬寧卡,
哇, 雖然唔知儲分做咩,
不過買開野無理由唔儲啦!
於是我唯有叫ba再等我放工先比錢,
ba好好人, 佢幫我keep起product先,
話等我返黎, 好感動呀!
諗住走之前, 有個roc的ba走黎同我講今日特價,
佢地有一支cream原價差唔多200,
依家加$99就可以帶走,
我諗一諗, 佢個牌子保濕同去皺都ok,
$99一支cream, 好似好過$55一支lip blam wor,
於是我就換左支cream啦!
放工我真係再返去, 佢地都仲keep住我d product,
於是我就比錢拎走啦, 仲做埋roc 會員,
又拎左好多sample
你睇下幾多野
Cellbone 洗面泡, 仲未開始用呀,
不過用埋支origins我就會開始用佢啦!
就係加$99換左佢啦, 有防曬, 做base唔錯
不過又係未開始用, 因為防曬度得spf15唔夠,
留返冬天用啦!
拎左6包roc sample, 2款係eye cream, 1款係面
仲有cellbone mask, 一支可以用兩次左右,
我試左一次, 很好的保濕效果, 受後皮膚即時充滿彈性
睇下部機先, 好似個鬚刨
第一次用要叉足8小時先得架, 不過叉一次都可以用好耐,
我用左兩星期都未要再叉電!
佢仲有提示架, 如果無電會有燈閃閃下話你知!
總共有4個step, 分別係洗潔, 按摩, 導入, 提升
每個step4分鐘會自動停, 不過我唔係日日都做晒4個step架,
邊有咁多時間呀!
洗潔就每晚都做, 按摩同導入一星期3次,
提升就一星期兩次
用左一星期之後, 我去做過皮膚測試,
真係乾淨左wor, 連黑頭都少左!
我腮位原本好多暗粒, 依家都少左好多
不過提升就唔係好覺, 可能我肥肉多啦!
同埋我都仲係用緊低度數,
或者試下高度數會再好d!
依家萬寧仲有得換架,
要換就快手啦! 記住大間的萬寧先有架!
留言列表
