lokxlok的部落格

今次搞依個團真係有血有淚,
事關要在短時間內集合所有訂單,
又要對數, 又要check存貨,
兌成港幣, 收錢, 得入數,
再碌卡訂貨, 預付運費!
不過都搞得好開心, 因為收貨一刻發覺d貨真係好得!
好後悔買得咁少!
不過大家放心, 如無意外, 我會再搞一次,
想入貨就密切留意啦!

先睇下開箱圖先啦!

包得好穩, 仲有貼紙講明易碎品!

開左箱有好多張雪梨紙包住, 好唔環保!

仲有2層波波膠紙, 洗唔洗包咁多呀?

終於見到d貨啦! 哇, 真開心!

由於有限訂貨件數, 所以一箱就係咁多貨!

有Lip Gloss, eye pencil

有指甲油, eyeliner, eye base

有 shadow powder

eye shadow set

當然有皇牌 Lip Stick 啦!

係咪好吸引呢, 睇下我入左咩貨先!

比d試色圖大家參考下啦!

左右兩隻色都唔錯, 不過隻橙色搽左好多層都唔出色! 失敗!!!

依兩隻 Lip Stick好好用, 一層已經好上色,
如果先用concealer打底會仲更加出色,
而且好潤, 搽左都唔會好乾, 又有光澤

又係好好嘅Lip Gloss, 無特別香味, 唔會好黏,
閃粉gloss用黎做high light唔錯, 另一隻色可以蓋到唇色

藍色好sharp, 不過好稀, 感覺比較難乾
粉紫色有閃粉, 畫眼頭唔錯, 快乾

眼影粉, 上面用左Urdan Declay打底, 顏色比較出,
唔用就無咁易上色, 由其是中間的古銅色!