lokxlok的部落格

哇! 今次真係多謝sis介紹,
I Square行過好幾次,
都未試過坐底食野,
今日終於有機會一試,
哇!!! 好食到....唔知點形容啦!!

無錯我就係去左依間"浪漫館橫濱"啦!!

來自日本的浪漫館橫濱，是一家融合和食與洋食的手工夾堡專賣店，
無論是麵包、里肌排、醬料或新鮮蔬菜，都是經過嚴選的獨家食材。

你地睇下份menu幾靚,
d相影到好鬼好食,
唔知真正擺上枱又係咪一樣呢?

佢仲有步驟教你點樣磨芝麻醬,
不過我地今日點嘅定食唔洗磨,
所以無機會試啦!!
其實價錢都幾貴, 起初我honey仲諗住會食唔飽,
點知.....

先黎前菜, 第一個蕃茄沙律係我honey嘅,
個蕃茄好爽甜, 我好中意日本d沙律汁,
酸酸地, 好醒胃
d枝豆咸咸地, 但係粒粒都好靚, 好好味,
唔似其他日本料理店, 比d皺皮豆你食!!!

依個係我食嘅蘿蔔蓉吉列雞排, 再加大堆菜絲,
同張相99.99%似呀, 份量好大, 我只係食左大半碗飯!
個麵鼓湯好濃郁但係又唔會太咸,
d雞排出面好脆, 但係入面又好juicy,
肉質好嫩滑, 一d都唔鞋口, 100分!!!

依個係我honey食嘅咖哩吉列豬排,
一樣都係大大份, 有炸薯條同雜菜,
咖哩汁好香濃, 不過日式咖哩都係甜d,
唔似印度咖哩咁辣, 但係都好正!!! 100分
我男友仲免費加飯, 哈哈, 食左兩碗!

總括, 如果價錢可以平返d, 我一定會成日食!!!
實在太正啦!!!

地址: 尖沙咀彌敦道63號國際廣場(iSquare)6樓603號舖
電話 : 2369 0788