火辣辣的一個晚上! 大家一起one night stand!!－lokxlok的部落格

星期二的晚上, 我出席了Bubies品牌的fashion show,
當晚場地位於中環蘭桂坊酒店頂樓Lounge ~ Azure
請柬上面寫明dress to party
所以我特別化靚d去, 可惜無帶膠水出街痴唔到假眼睫毛!!!!

眼袋生左粒小瘡, 唯有用黑色眼線筆點一點,
將佢搖身一變, 變做粒癦啦! 哈哈!!!

除了有我們一眾blogger之外, 大會更邀請了不少潮人一同出席,
欣賞bubies的系列

場內更設有小食提供比我地一班一放工就趕過來的blogger,
可惜件數少, 一人都未必食到一件, 我好好彩拎到一件食,
緊係要影張相啦!

Fashion show當然唔少得明星出席啦,
今日就請來名模 Amanda S, 佢真人好瘦, 好靚, 可惜無機會同佢合照~!

剛剛隆左胸可以大show qualiy的莊思敏,
哇! 在場男士叫到佢咁都忍不住狂叫,
不過噓聲都唔少, 唔知點解, 我覺得好似好硬咁!!! 好大壓迫感!

仲有謝婷婷, 成日一大堆人圍住佢, 好難先影到佢正面,
哈哈, 我覺得佢同佢亞哥謝霆峰真係好似樣,
不過, 如果佢唔係謝霆峰個妹, 你估佢行出黎做model,
要做幾多年先有咁嘅注目度???

最後就係成晚一句野都無講過, 被人冷落的呂慧儀,
哈哈, 佢同我一樣整個留海頭!

企左成個鐘活動都仲未開始, 於是我就不停搵blogger影相,
估唔到仲撞返我以前識落的記者朋友, 世界真係細!

今次fashion show用左我最愛的粉紅帶紫色, 好緊張呀, 快d開始啦!

為左推動本地的Fashion-lingerie設計, 同場更會舉行一個Lingerie設計比賽,
多間本地時裝設計學院學生的參賽者, 透過對時裝的熱情,
把創意實踐在富功能性的內衣上, 並打破傳統內衣的框框演繹出
富個人風格及魅力的Fashion -Lingerie. 一齊睇下佢地嘅設計先啦!

除此之外, 當晚更展出包括前菜, 主菜, 甜品及伴碟四組主要的設計系列,
作為前菜系列的設計, 款式以舒適簡潔為主, 帶出一種清新富活力的感覺,
最適合祟尚簡約時尚的年輕客人.

主菜係bubies的主線系列, 款式, 質料, 手工, 以至每個細節都十分考究.
布料, 喱士或色調都經過精心配搭, 加上細緻的配飾及獨特的剪裁,

在手工, 觸感及款式上, 都展現出精緻, 奢華的感覺!
又黎睇下片先啦!

正如甜品一樣的系列, 設計精緻優美, 以輕柔的布料配上有著不可抗拒的魅力.
配菜則為大家帶來更多新意及樂趣,

如系列中的眼罩, 襪帶及手套等,
成為錦上添花的重要配飾之一!

睇到眼花撩亂, 不過當中我都有幾套幾中意,

性感得黎又好成熟, 就算身材唔夠肉地都一樣著得好睇

純白色好像天使一樣, 但加上襪帶, 喱士襪又有另一番味道!

話明比賽就緊係有頒獎時間啦! 大會就安排左莊思敏做頒獎嘉賓!

圖中粉紅色的一款稍後將會推出, 而且仲可以買內衣做善事,
有意者請向店內職員查詢!

企左一晚真係好累, 不過如果大家對這個牌子有興趣,
歡迎去到佢地位於中環的旗艦店, 這是bubies首間在香港開設的店舖,
由著名室內設計師Wesley Liu擔任設計總監, 並以品牌的設計理念配合環保
原則設計藍圖!

櫥窗以大型的menu wall展示以頭盤, 主菜, 甜品及伴碟為設計意念的四組系列!
店內則以設計獨特的鳥籠作飾櫃, 帶出內衣兼具保護同時展現體態美的意念!